Rivaliteti mes Manchester Unitedit dhe Arsenalit do ta shënojë xhiron e 37-të të Premier Leagues.
Kjo ndeshje zhvillohet të dielën dhe nis në orën 17:30.
Arsenali aktualisht është lider me 83 pikë, një më shumë se Manchester City që e ka një ndeshje më pak të luajtur.
Liverpooli i treti ka 78 pikë.
Arsenali kishte fituar në ndeshjen e parë ndaj Unitedit 3:1.
Unitedi e ka humbur vetëm një ndeshje nga 16-të të fundit në Premier League në shtëpi kundër Arsenalit.
Ishte humbja 1:0 në ndeshjen e luajtur në nëntor të vitit 2020.
Kjo ndeshje nuk e gjenë Unitedin me formën më të mirë.
“Djajtë e kuq” kanë humbur 18 ndeshje në të gjitha garat në edicionin aktual.
Më së shumti ndeshje, 19 gjithsej, i kanë humbur në edicionin 1977/78.
Këtë xhiro e hap dueli mes Fulhamit dhe Manchester Cityt.
Ky ballafaqim luhet të shtunën në orën 13:30.
Fulhami nuk ka fituar ndaj Cityt në Premier League që prej vitit 2005.
Ndërkohë, City i ka fituar të gjitha 15-të takimet e fundit në të gjitha garat mes këtyre dy skuadrave.
Ballafaqimi mes Aston Villas dhe Liverpoolit e mbyll xhiron e 37-të.
Kjo ndeshje luhet të hënën nga ora 21:00.
