Ceremonia e çmimeve më prestigjioze në futboll, “Ballon d’Or” do të mbahet në Paris më 28 tetor. Kështu ka njoftuar UEFA të enjten. UEFA është organizatore e re e “Topit të Artë”.
Nomimet do të bëhen më 4 shtator, duke lejuar të përfshihen më të mirët e Kampionatit Evropian dhe Copa Americas si dhe turneut olimpik, sa u takon futbollisteve.
Vinicius Junior, Jude Bellingham e Toni Kroos pritet të jenë pretendentë të fuqishëm, pasi udhëhoqën Real Madridin drejt titullit në Champions dhe në La Liga.
Kroosi e përfundon karrierën pas Evropianit dhe asnjëherë nuk ishte në top-tre të Topit të Artë.
UEFA tani është partnere e “France Football” revistës që e ka organizuar Topin e Artë që nga viti 1956.
