Mesfushori Jurgen Çelhaka ka shënuar gol të bukur për Olimpijan e Lubjanës, që të mërkurën mbrëma ka avancuar në çerekfinale të Kupës së Sllovenisë.
Çelhaka realizoi me gjuajtje të saktë nga distanca në minutën e shtatë, në fitoren 3:0 ndaj Ilirijas.
Për të ishte goli i parë i edicionit në 26 paraqitje, teksa i ka edhe dy asistime.
NK Olimpija është në vendin e parë edhe në kampionat me 48 pikë në 21 ndeshje, gjashtë më shumë se Maribori që e ka një ndeshje më shumë të luajtur.
