Mesfushori i Manchester Unitedit, Casemiro, ka mbetur jashtë ekipit të Brazilit për Copa America që mbahet muajin e ardhshëm.
32-vjeçari, që i ka 75 paraqitje për Brazilin, kishte edicion të vështirë tek Unitedi dhe mbeti jashtë listës prej 23 lojtarëve të përzgjedhësit Dorival Jr.
Sulmuesi i Tottenhamit, Richarlison, Gabriel Jesus i Arsenalit dhe Antony i Unitedit, po ashtu nuk janë përzgjedhur. Neymar po ashtu është jashtë për shkak të lëndimit të pësuar tetorin e kaluar.
Premier League prezantohet me nëntë lojtarë.
Copa America mbahet prej 20 qershorit deri më 14 korrik në SHBA.
Supertalenti Endrick është në listën e Brazilit. Ai do t’i bashkohet Real Madridit në verë.
