Ndeshje dramatike është zhvilluar të enjten mbrëma ndërmjet Luganos dhe Beshiktashit, që përfundoi 3:3.
Ishte ballafaqimi i parë i plejofit të Ligës së Evropës.
Në mesin e golashënuesve të Luganos ishte edhe mesfushori shqiptar, Uran Bislimi.
Bislimi realizoi në minutën e 34-t për barazimin e rezultatit në 1:1.
Bislimi u zëvendësua në minutën e 85-të, ndërsa Shkëlqim Vladi u zëvendësua në minutën e 63-të, kurse Amir Shaipi në portë e kompletoi ndeshjen.
Milot Rashica u zëvendësua nga Ernest Muçi në minutën e 71-të te Beshiktashi.
Ndeshja kthyese e plejofit të Ligës së Evropës zhvillohet pas një jave në Turqi.
