Futbollistet Kaltrina Biqkaj dhe Lumbardha Misini kanë dhënë kontribut të madh të dielën në fitoren e Trabzonsporit. Biqkaj shënoi dy gola, kurse Misini një gol në fitoren e Trabzonsporit në shtëpi ndaj Bornovanit me rezultatin e thellë 6:0.
Kjo ndeshje i takoi xhiros së 15-të të elitës turke për futbolliste.
Biqkaj e realizoi golin e katërt në minutën e 42-të dhe të pestë në minutën e 61-të, derisa 21-vjeçarja Misini shënoi golin e tretë në minutën e 33-të.
Trabzonspori ka 31 pikë kurse Bornova ka dhjetë pikë.
