Mesfushori Taulant Xhaka të shtunën e ka luajtur ndeshjen jubilare, të 400-të, për Baselin. Por nuk ishte një ndeshje pozitive për Baseli.
Skuadra e shumë shqiptarëve u mposht nga Zuerichu në derbin e madh të Superligës së Zvicrës.
Xherdan Shaqiri e Albian Ajeti startuan te Baseli.
Xhaka hyri në lojë në minutën e 75-të për ta regjistruar ndeshjen e 400-të zyrtare me Baselin. 33-vjeçari është prej lojtarëve të rëndësishëm në historinë e kësaj skuadre.
Te Zuerichu ndeshjen e kompletoi Mirlind Kryeziu. Në pjesën e dytë u aktivizuan edhe Lindrit Kamberi e Bledian Krasniqi.
Zuerichu i ka 14 pikë nga gjashtë ndeshje. Baseli ka luajtur shtatë ndeshje, ndërsa i ka 10 pikë.
