Skuadra e Barcelonës nuk mund ta regjistrojë spanjollin Dani Olmo në skuadër, raporton “Daily Mail” të hënën. Mësohet se gjiganti katalunas nuk mund ta regjistrojë Olmon, për shkak të problemeve financiare. Për ta regjistruar Olmon, Barcelonës i duhet të shesë disa futbollistë. Disa nga futbollistët që mund të largohen nga Barça janë Frenkie De Jong dhe Ronald Araujo.
Olmo, ditë më parë u transferua për 51 milionë euro te Barcelona nga skuadra gjermane, Leipzig. Ai ka nënshkruar kontratë gjashtëvjeçare me Barcelonën. Ndërsa klauzola e lirimit të Olmos është 500 milionë euro. Olmo mund ta humbasë ndeshjen hapëse në La Liga, nëse Barcelona nuk arrin që ta regjistrojë.
