Me dy golat e Robert Lewandoëskit, dhe nga një tjetër të shënuar nga Inigo Martinez, Raphinha dhe Fermin Lopez, Barcelona e ka shkatërruar Crvena Zvezdën në ndeshjen e xhiros së katërt të Ligës së Kampionëve.
Barcelona në Beograd të mërkurën mbrëma fitoi 5:2.
Martinez dhe Lewandowski shënuan në pjesën e parë për Barcelonën, kurse për vendësit realizoi Silas.
Lewandowski, Raphinha dhe Lopez realizuan në pjesën e dytë për 5:1, kurse Milson i nikoqirit e vendosi rezultatin përfundimtar të ndeshjes.
Barcelona ka nëntë pikë në katër ndeshje të luajtura, derisa Crvena Zvezda është në vendin e parafundit, pa pikë.
