(E përditësuar) - Ndonëse prej minutës së 22-të luajti me një lojtar më pak në fushë, Barcelona ka fituar 1:0 ndaj Benficas në Lisbonë. Me fitoren e së mërkurës, Barça bëri hap të madh drejt kualifikimit në çerekfinale të Ligës së Kampionëve.
Pau Cubarsi i Barçës u ndëshkua direkt me karton të kuq në minutën e 22-të për shkak të një ndërhyrjeje të ashpër.
Pjesa e parë e ndeshjes përfundoi pa gola, ndërsa në minutën e 61-të Raphinha shënoi golin e fitores për Barcelonën.
Shifrat më nuk ndryshuan, ndonëse skuadra portugeze e kishte iniciativën dhe krijoi më shumë raste shënimi.
Portieri Wojciech Szczesny ka shpëtuar skuadrën e Barcelonës në shumë momente. Ai kishte ndeshje të madhe dhe e afroi skuadrën katalunase me çerekfinalen.
Barcelona në epërsi
Ndonëse me një lojtar më pak në fushë, Barcelona ka kaluar në epërsi 1:0 ndaj Benficas.
Raphinha shënoi në minutën e 61-të.
Përfundon pa gola pjesa e parë e ndeshjes në Lisbonë
Nuk janë shënuar gola në pjesën e parë të ndeshjes mes Benficas dhe Barcelonës.
Barça prej minutës së 22-të është me një lojtar më pak në fushë.
Pau Cubarsi u përjashtua për ndërhyrje të ashpër.
Barça mbetet me një lojtar më pak
Gjërat janë bërë të vështira për Barcelonën në ndeshjen ndaj Benficas në Lisbonë.
Në minutën e 22-të me karton të kuq është përjashtuar Pau Cubarsi.
Ai u përjashtua për ndërhyrje të rrezikshme.
