Llapi dhe Malisheva kanë marrë vetëm nga një pikë nga ndeshja e xhiros së 21-të e elitës së futbollit të Kosovës.
Të shtunën në stadiumin “Zahir Pajaziti”, Llapi dhe Malisheva barazuan pa gola, në ndeshjen që u karakterizua me vonesa të shumta për shkak të lëndimeve.
Por, edhe rastet nuk munguan për të dyja ekipet.
Megjithatë, gola nuk pati.
Në nisje të stinorit pranveror, të dyja skuadrat kishin nga dy fitore e një disfatë.
Llapi u mposht nga Gjilani, derisa në Kupë fitoi ndaj Vushtrrisë, e në Superligë ndaj Feronikelit 74.
Malisheva u mposht nga Drita. Më pas fitoi në Kupë ndaj Dinamos së Ferizajt, teksa e mposhti edhe Ferizajn.
Në tabelë, situatë dukshëm më të mirë ka Malisheva që renditet në pozitën e tretë me 34 pikë, tri më pak se Ballkani që është i dyti.
Llapi mbetet i parafundit me 22 pikë dhe vazhdon garën e fortë për mbetje në elitë.
Llapin në xhiron e 22-të e pret udhëtimi i vështirë te Prishtina.
Malisheva në “Liman Gegaj” takohet me Ballkanin.
Baras në Podujevë pas pjesës së parë
Pjesa e parë e ndeshjes mes Llapit dhe Malishevës, që i takon xhiros së 21-të të elitës së futbollit kosovar, është mbyllur baras.
Pati raste për shënime të golave nga të dyja skuadrat, por një gjë e tillë nuk ndodhi.
Pati edhe ndërprerje të shumta të lojës.
Ky ballafaqim po zhvillohet në stadiumin “Zahir Pajaziti” në Podujevë.
