Kapiteni i Kosovës, Amir Rrahmani, ishte i pafat pasi realizoi autogol të dielën pasdite në disfatën që e pësoi Napoli.
Skuadra e drejtuar nga trajneri Antonio Conte, u mposht në udhëtim nga Como me rezultatin 2:1.
Kjo ndeshje i takoi javës së 26-të të Serie A.
Rrahmani realizoi në portën e tij në minutën e shtatë. Dhjetë minuta më pas sulmuesi italian, Giacomo Raspadori, i barazoi shifrat në 1:1. Assane Diao në minutën e 77-të e realizoi golin e fitores për skuadrën e Comos. Rrahmani e kompletoi ndeshjen kurse në bankën e rezervistëve ishte Luis Hasa.
Mërgim Vojvoda ka debutuar te Como. Në lojë u inkuadrua në minutën e 91-të.
Napoli me disfatën që e pësoi ka rënë në pozitën e dytë me 56 pikë. Tashmë lider është Interi me një pikë më shumë. Como është në mesin e tabelës me 28 pikë.
Autogol i Rrahmanit, Napoli në disavantazh
Kapiteni i Përfaqësueses së Kosovës në futboll Amir Rrahmani ka realizuar autogol, ndërsa Napoli është duke pësuar 1:0 nga Como në ndeshjen e xhiros së 26-të të Serie A së Italisë.
Rrahmani realizoi në portën e tij në minutën e shtatë.
Te Como në bankë rezervë është Mërgim Vojvoda, ndërsa te Napoli, Luis Hasa.
