Atletico fiton në fund ndeshjen ndaj Villarrealit

Atletico Madridi ka shënuar fitore në fund të ndeshjes kundër Villarrealit. Atletico mposhti Villarrealin në udhëtim me rezultatin 2:1. Kjo ndeshje e zhvilluar të hënën i takoi javës së 30-të të elitës së futbollit spanjoll, La Liga. 

Axel Witsel shënoi golin e parë për Atleticon në minutën e nëntë, ndërsa vendasit në minutën e 50-të barazuan shifrat në 1:1. Golin e barazimit e realizoi Alexander Sorloth në minutën e 50-të. 

Fitoren Atleticos ia siguroi Saul, i cili shënoi gol në minutnë e 87-të. Me këtë fitore, Atletico është ngritur në vendin e katërt me 58 pikë, kurse Villarreali zë vendin e dhjetë me 38 pikë.