Atletico Madridi i ka arkëtuar pikët e plota në ndeshjen e vlefshme për xhiron e 26-të të La Ligas për t’u bërë lidere në tabelë.
Atletico të shtunën mbrëma e mposhti me vështirësi Athletic Bilbaon në shtëpi me rezultatin 1:0.
Golin e fitores për vendësit e realizoi Julian Alvarez në minutën e 66-të me asistimin e Marcos Llorentes.
Atletico së bashku me Barcelonën dhe Real Madridin janë duke zhvilluar garë të fortë këtë edicion për titull kampioni. Aktualisht skuadra e Diego Simeones ka 56 pikë dhe është e para në tabelë. Barcelona që ka 54 pikë luan të dielën me Real Sociedadin. Reali mbetet i treti me 54 pikë po ashtu.
