(E përditësuar) - Atalanta ka shënuar fitore 3:0 në udhëtim te Shakhtar Donetsku të mërkurën mbrëma në “Veltins Arena” të Gelsenkirchenit.
Atalanta e fitoi ndeshjen e xhiros së dytë të fazës së ligës së Championsit, por e humbi Berat Gjimshitin, që shënoi për 1:0 në minutën e 21-të.
Për qendërmbrojtësin dhe kapitenin e Shqipërisë, Gjimshitin, ishte goli i parë në Ligën e Kampionëve në 21 ndeshje të luajtura.
31-vjeçari nuk u rikthye në fushë pas pushimit, shkaku i lëndimit në ijë.
Kështu të paktën është raportuar në mediat italiane.
Golin për 2:0 e shënoi Ademola Lookman në minutën e 44-t.
Mbrojtësi Raoul Bellanova e vendosi rezultatin përfundimtar të ndeshjes.
Atalanta ka katër pikë pas dy ndeshjeve, ndërsa Shakhtari e ka një pikë.
Gjimshiti shënon gol, 2:0 për Atalantan pas pjesës së parë
Atalanta ka shkuar në pushim me epërsi të dy golave në duelin ndaj Shakhtarit.
Në “Veltins Arena” të Gelsenkirchenit, Atalanta është duke fituar 2:0, ndërsa golin e parë e ka shënuar qendërmbrojtësi dhe kapiteni i Shqipërisë, Berat Gjimshiti.
Gjimshiti realizoi nga afërsia në minutën e 21-të.
Një minutë pa u mbyllur pjesa e parë shënoi edhe Ademola Lookman.
Për shkak të luftës në Ukrainë, Shakhtari ndeshjet si mysafir i zhvillon jashtë vendit.
Gjimshiti shënon gol në Champions
Kapiteni i Shqipërisë, Berat Gjimshiti, ka shënuar golin e epërsisë për Atalantan në ndeshjen e dytë të Ligës së Kampionëve.
Gjimshiti shënoi gol në minutën e 21-të për epërsinë 1:0 të Atalantas në ndeshjen ndaj Shakhtar Donetskut.
🚨🇪🇺 GOAL | Shakhtar 0-1 Atalanta | Djimsiti
DJIMSITI OPENS THE SCORING FOR ATALANTA!pic.twitter.com/6vMcVVS3cF— Tekkers Foot (@tekkersfoot) October 2, 2024
