Kristjan Asllani, Hakan Çalhanoglu dhe Francesco Acerbi do t’i mungojnë Interit në Ligën e Kampionëve, në ndeshjen ndaj Young Boysit. Interi të mërkurën do të luaj me kampionin zviceran nga ora 21:00. Asllani u lëndua gjatë një seance stërvitore javën e kaluar.
Ylli i Shqipërisë mungoi të dielën në derbin ndaj Romës. Për shkak të lëndimit, Interit do t’i mungojnë edhe Çalhanoglu dhe Acerbi të cilët u lënduan gjatë ndeshjes me Romën.
Skuadrës së drejtuar nga trajneri Simone Inzaghi i është kthyer nga lëndimi Piotr Zielinski i cili do të jetë i gatshëm për ndeshjen ndaj klubit zviceran.
