Futbollisti i krahut i Shqipërisë, Jasir Asani, ka vazhduar me formë të mirë. Të dielën, ai realizoi gol për Gwangju në fitoren 3:1 ndaj Seoulit. Ndeshja i takoi xhiros së 33-të të kampionatit të Koresë së Jugut.
Asani në lojë hyri në fillim të pjesës së dytë. Golin për 3:1 e shënoi në minutën e tetë shtesë.
Asani kishte shënuar edhe në ndeshjen e fundit në Championsin e Azisë. Më 17 shtator kishte shënuar “hat-trick”, po ashtu në Ligën e Kampionëve të Azisë. Në K-League i ka tri gola në 10 paraqitje.
Asani tani grumbullohet me kuqezinjtë për dy ndeshjet e radhës.
