Skuadra e Arsenalit e ka mbajtur seancën e fundit stërvitore të martën para ndeshjes me Interin në Ligën e Kampionëve.
Arsenali dhe Interi takohen të mërkurën nga ora 21:00 në kuadër të xhiros së katërt të Championsit.
Në stërvitjen e së martës, Arsenali i është kthyer kapiteni i skuadrës, Martin Odegaard, por i mungoi mesfushori Declan Rice. Nuk është bërë e qartë ende mungesa e anglezit Rice në stërvitje. Por ai është në dyshim që të paraqitet ndaj Interit.
Norvegjezi Odegaard i mungoi Arsenalit për dy muaj. Ai e lëndoi nyjën e këmbës me Norvegjinë në Ligën e Kombeve.
Arsenali gjithashtu do të jetë pa mbrojtësit Riccardo Calafiori dhe Takehiro Tomiyasu për ndeshjen ndaj gjigantit italian. Të dy futbollistët mungojnë për shkak të lëndimeve.
