Arijan Ademi ka kontribuar me gol në fitoren e skuadrës së Dinamo Zagrebit. Ademi realizoi gol në fitoren 2:0 të Dinamos ndaj Osijekut të shtunën mbrëma.
Kjo ndeshje i takoi xhiros së 29-të të elitës së futbollit kroat.
33-vjeçari Ademi shënoi për 2:0 në minutën e 69-të kurse në lojë u inkuadrua në minutën e 54-t.
Për Ademin ky ishte goli i katërt i shënuar në 25 ndeshjet e zhvilluara deri më tani.
Krahas katër golave ka kontribuar edhe me dy asistime.
Ademi është kapiten i Dinamos.
Arbër Hoxha te Dinamo u paraqit nga minuta e 77-të.
Tek Osijeku, Jon Mersinaj, luajti vetëm në pjesën e parë ndërsa në bankën e rezervistëve mbeti Kemal Ademi.
Dinamo ka 49 pikë në vendin e tretë. Osijeku renditet në pozitën e tetë me 31 pikë.
