Sulmuesi i Hungarisë, Barnabas Varga, është liruar nga spitali i Stuttgartit dhe shërimin do ta vazhdojë në shtëpi, ka njoftuar Federata e Futbollit e Hungarisë të mërkurën.
Varga ishte lënduar gjatë një përplasjeje në ajër me portierin skocez, Angus Gunn, në ndeshjen e fundit të grupit të dielën.
Hungaria e fitoi 1:0 ndeshjen.
Hungaria e mbylli grupin në vendin e tretë me tre pikë. Por është ende në pritje nëse do të jetë e kualifikuar nga rezultatet e ndeshjeve të sotme.
