Spanja siguron plasmanin tutje në “Euro 2024”
Spanja ka mposhtur Italinë në ndeshjen e xhiros së dytë të Grupit B në “Euro 2024” për të siguruar plasmanin në 1/8 e finales nga ky grup.
Autogoli i Riccardo Calafiori në minutën e 55-të i mjaftoi Spanjës për fitoren 1:0 dhe trepikëshin e dytë, pas fitores ndaj Kroacisë në xhiron e parë.
Në xhiron e tretë, Spanja përballet me Shqipërinë. Në anën tjetër, Italia luan me Kroacinë.
Në tabelë, Spanja ka gjashtë pikë në pozitën e parë. Italia ngel në tri pikë. Shqipëria dhe Kroacia kanë nga një në dy pozitat e fundit.
Tutje kalojnë direkt dy pozitat e para, dhe nga gjashtë grupet në “Euro 2024” kalojnë tutje katër ekipet me bilancin më të mirë ndër vendet e treta.
Spanja në epërsi
Photo: Associated Press
Spanja ka kaluar në epërsi ndaj Italisë.
Riccardo Calafiori realizoi autogol në minutën e 55-të.
Rodri mungon ndaj Shqipërisë
Supermesfushori Rodri do t’i mungojë Spanjës në ndeshjen ndaj Shqipërisë në xhiron e fundit të Grupit B në Euro 2024.
Ylli i Manchester Cityt u ndëshkua me karton të verdhë në minutat shtesë të pjesës së parë në ndeshjen ndaj Italisë të enjten.
Për shkak të kartonëve të verdhë ai do të mungojë në ndeshjen e së hënës.
Rodri konsiderohet lojtar kyç për “Furinë e Kuqe”.
Mbyllet pa gola pjesa e parë e ndeshjes Spanjë - Itali
Ka përfunduar pa gola pjesa e parë e ndeshjes në mes të dy gjiganteve të Evropës, Spanjës dhe Italisë.
Kjo ndeshje i takon Grupit B, ndërsa po luhet në Gelsenkirchen.
Të dyja ekipet përfaqësuese kishin mundësitë e tyre. Por nuk pati gola në pjesën e parë.
Publikohen formacionet zyrtare: Spanjë – Itali
Janë publikuar formacionet zyrtare për ndeshjen në mes të Spanjës dhe Italisë në Grupin B të Kampionatit Evropian “Euro 2024”.
Takimi nis në orën 21:00 dhe luhet në Gelsenkirchen.
Spanja e Italia kanë fituar dy ndeshjet e para, ndaj Kroacisë dhe Shqipërisë.
Spanja: Unai Simon, Carvajal, Le Normand, Laporte, Cucurrella, Pedri, Rodri, Fabian Ruiz, Yamal, Morata, Williams
Italia: Donnarumma, Dimarco, Calafiori, Bastoni, Di Lorenzo, Jorginho, Barella, Pellegrini, Chiesa, Frattesi, Scamacca
