Përfaqësuesja e Spanjës avancoi në gjysmëfinale të Kampionatit Evropian të premten mbrëma, pasi e fitoi ndeshjen dramatike ndaj Gjermanisë në vazhdime, 2:1.
“Quincoces, Zarra, Arconada, Quini, Camacho, Zubizarreta, Butragueno, Joaquin, Busquets... të gjithë kanë dështuar ta mposhtin nikoqirin e Kupës së Botës apo Kampionatit Evropian në kohën e tyre. Testi u kalua”, ka shkruar “AS” të shtunën, ndërsa “Mundo Deportivo” ka shkruar se “mallkimi” është kaluar – Spanja në gjysmëfinale”.
Fitorja e Spanjës në çerekfinale u shënua edhe me një tjetër sukses historik.
Spanja arriti pesë fitore rresht në Evropian për herën e parë. Vetëm Franca në vitin 1984 dhe Italia në vitin 2021 e kishte regjistruar këtë të arritur. Fitoret në penallti nuk janë përfshirë në këtë statistikë.
Spanja është tri herë fituese e Kampionatit Evropian, në vitin 1964, 2008 dhe 2012.
Ndaj Gjermanisë, Spanja nuk di për humbje në ngjarje madhore në 36 vjet.
