Spanja ka shfaqur futboll atraktiv përgjatë rrugëtimit deri në finale të “Euro 2024”.
Në finalen e së dielës, Spanja do të luajë kundër Anglisë.
Për këtë ballafaqim, selektori i Spanjës, Luis de la Fuente, ka pritshmëritë e spektaklit.
“Do të jetë ndeshje spektakolare, ndërsa ne kemi shpresë të madhe”, ka thënë 63-vjeçari në një video incizim të publikuar nga Federata e Futbollit e Spanjës.
Finalja të dielën do të luhet në “Olimpiastadion” të Berlinit.
Spanja fitoi 2:1 ndaj Francës në gjysmëfinale dhe është në kërkim të trofeut të katërt të Kampionatit Evropian, pas triumfeve në vitet 1964, 2008 dhe 2012.
De la Fuente e ka vlerësuar skuadrën angleze si shumë të fortë, me futbollistë të mëdhenj.
Sipas tij, dy skuadra me sistem krejtësisht ndryshe të futbollit do të ballafaqohen në finale.
“Anglia është shumë e fortë fizikisht. Ne duam që ta luajmë stilin tonë, ta dominojmë lojën dhe të provojmë të mos bëjmë gabime”, ka deklaruar ai.
Anglia ndërkohë në gjysmëfinale e eliminoi Holandën, pas fitores 2:1.
