Portieri i Gjeorgjisë, Giorgi Mamardashvili, është shquar gjatë Euro 2024. Është vlerësuar prej portierëve më të mirë, por ndaj Spanjës ishte i paforcë. I pranoi katër gola të dielën mbrëma. Spanja me fitoren 4:1 ndaj Gjeorgjisë avancoi në çerekfinale.
“Mendoj se Spanja është favorite në këtë turne dhe do të bëhet kampione. Është mëkat që jemi takuar me këtë përfaqësuese, por është në rregull, nuk është fundi. Do të kthehemi më të fortë”, ka thënë Mamardashvili.
Ai u shqua me pritje të shumta ndaj Turqisë, Çekisë, Portugalisë, por edhe ndaj Spanjës.
