-
Përktheu:
Flutura Gashi-Mehmeti
- 21 gusht 2024 14:10
- Shpërndaje në:
Zvicra do t'i bashkohet Organizatës Evropiane të Sigurisë Kibernetike (ECSO) për të forcuar mbrojtjen e vendit neutral kundër hakerëve dhe sulmeve në internet, ka bërë të ditur qeveria të mërkurën.
Nëpërmjet anëtarësimit, qeveria do të marrë informacion rreth vendimeve dhe zhvillimeve aktuale të teknologjisë, si dhe do të ketë qasje në rrjetet e ekspertëve, ka bërë të ditur Berni zyrtar në një deklaratë, raporton Reuters.
Organizata ECSO përbehet nga 300 anëtarë ku përfshihen kompani të mëdha dhe të vogla, si dhe universitete dhe qendra kërkimore dhe qeveri evropiane.
Në fillim të këtij viti, Zvicra regjistroi një rritje të sulmeve kibernetike dhe dezinformimit në prag të një samiti që synonte të krijonte një shteg për paqen në Ukrainë.
