Një zyrtar i lartë ushtarak rus është vrarë në një shpërthim veture afër Moskës, disa orë para takimit mes presidentit rus, Vladimir Putin, me të dërguarin e Donald Trumpit, Steve Witkoff.
Autoritetet ruse kanë thënë se zyrtari ishte gjenerallejtënant Yaroslav Moskalik, zëvendësdrejtor i drejtorisë kryesore të operacioneve të Shtabit të Përgjithshëm të Forcave të Armatosura ruse.
Shpërthimi duket se ishte i ngjashëm si sulmet e kaluara mbi rusët, përgjegjësinë e të cilave më pas e mori Ukraina, raportoi Guardian.
Hetuesit rusë kanë thënë se shpërthimi ndodhi nga një pajisje shpërthyese e vendosur në veturë.
Kievi ende nuk ka lëshuar ndonjë deklaratë.
