Ushtria izraelite sulmon selinë e inteligjencës së Hezbollahut

Ushtria izraelite thotë se ka kryer një sulm mbi një seli të inteligjencës së Hezbollahut në kryeqytetin e Libanit, Bejrut.

"Më herët këtë mëngjes, IAF (forca ajrore izraelite) kreu një sulm të bazuar në një qendër komanduese të selisë së inteligjencës së Hezbollahut dhe një punëtorie nëntokësore të armëve në Bejrut”, ka thënë ushtria në një deklaratë.

Ajo ka shtuar se disa hapa u ndërmorën për "të reduktuar mundësinë e viktimave civile", duke përfshirë "lëshimin e paralajmërimeve paraprake për banorët".

Ushtria ka thënë gjithashtu se forcat e saj ajrore vranë Al-Haj Abbas Salama, të cilin ajo e përshkruan si një komandant të lartë në frontin jugor të Hezbollahut, dhe Rada Abbas Awada dhe Ahmad Ali Hussein.

Sipas ushtrisë Awada ishte një ekspert i lartë i komunikimit të Hezbollahut, teksa Hussein shërbeu si kreu i një njësie të prodhimit të armëve.