Ushtria e Ukrainës po shton përdorimin e dronëve për misionet e mbikëqyrjes në të gjithë vijën e frontit, raporton “Associated Press”.
Pranë Bakhmutit, njësia e mjeteve ajrore pa pilot e Brigadës 22, ka futur në përdorim dronin “Poseidon H10” për misione vëzhgimi gjatë natës.
“Poseidoni” po rezulton të jetë i rëndësishëm për forcat ukrainase pasi u mundëson ushtarëve t’i lokalizojnë objektivat.
Këta dronë me rreze të gjatë janë të aftë të depërtojnë 50 kilometra thellë në linjat e armikut.
Me Rusinë që po përparon dhe Ukrainën që po mbrohet, eliminimi i objektivave ruse shumë përpara se të shfaqen në vijën e frontit është çelësi për Ukrainën për të shpëtuar jetët e ushtarëve.
