Ukraina deshifron komunikimet ruse për të shpëtuar jetë

Mikhass dhe ekipi i tij kanë një mision të vështirë. Ata duhet të deshifrojnë mesazhet e përgjuara të forcave ruse për të parashikuar se ku do të ndodhë sulmi i ardhshëm. Kjo është jetime, pasi Ukraina po përballet me mungesë të municioneve dhe ushtarëve

Teksa dëgjohen komunikimet e pakuptueshme të armikut në radio, një komandë ruse dëgjohet qartë: “Bluani pesë qese qaji kineze mbi 38 portokaj”.

Një ushtar ukrainas i njohur në fushëbetejë si Mikhass është në gjendje të dekodojë me shpejtësi mesazhin. Kuptimi i saj: Përgatisni pesë predha artilerie të bëra në Pekin dhe hidhni ato në një pozitë specifike ukrainase në pyllin Serebryansky, i cili formon vijën e parë të frontit në pjesën verilindore të Ukrainës.

I fshehur në një podrum në një shtëpi të braktisur 12 kilometra më larg, Mikhass paralajmëron menjëherë komandantin e njësisë në atë pjesë të pyllit, duke i dhënë atij minuta të rëndësishme për të futur trupat e tij në llogore, duke iu shpëtuar jetën.

Në defensivë, me pak municione dhe numër më të vogël ushtarësh pas dy vjetësh luftë, forcat ukrainase po përdorin gjithnjë e më shumë një taktikë të vjetër – përgjimin e radios – në kërkim për të ruajtur burimet jetike të tyre.

Puna e mundimshme është pjesë e një përpjekjeje më të madhe për të forcuar dhe përmirësuar aftësitë e luftës elektronike në mënyrë që ushtarët të paralajmërohen më herët për sulmet, ndërkohë që kanë inteligjencën e fushëbetejës të nevojshme për t'i bërë sulmet e tyre më vdekjeprurëse. Për të parandaluar sulmet me dron të armikut, bllokimi i sinjalit të dronit është gjithashtu në rritje.

Pas shumë muajsh ngecje gjatë 1000 kilometrave të vijës së frontit, Ukraina pret sulme të shumta nga armiku rus vitin e ardhshëm. Rusia është e vendosur për ta shkatërruar mbrojtjen e Ukrainës, në mënyrë që të përparojë. Presidenti rus, Vladimir Putin, ka thënë së nuk do të ketë paqe derisa Rusia të mos i arrijë qëllimet, duke përfshirë rimarrjen e regjionit Donbas të Ukrainës Lindore, të cilën e aneksoi ilegalisht në vitin 2022.

Oleksandr Syrskyi, i emëruar si shef i forcave ushtarake ukrainase javën e kaluar, ka theksuar rëndësinë e luftës elektronike dhe Ministria e Mbrojtjes e Ukrainës ka rritur shpenzimet për njerëzit dhe teknologjinë pas saj.

Shpëtimi i jetëve

Rusia, e cila kontrollon një të pestën e Ukrainës, ka avantazhin e industrisë së armëve dhe përdor rekrutimin dhe detyrimin për ta rritur numrin e trupave të saj.

Për Ukrainën, mungesa e municioneve ka shtyrë brigadat të përdorin predhat me masë të kufizuar dhe vetëm pasi kanë gjetur saktë objektivat. Vështirësitë në mobilizimin e trupave nënkuptojnë se komandantët ukrainas duhet të jenë të kujdesshëm për jetët e ushtarëve, teksa ata përpiqen të shmangin sulmet e egra ruse.

Kështu vëzhgimi më i mirë, përgjimi dhe bllokimi janë bërë urgjente.

Disa kilometra në jug prej vendndodhjes së Mikhassit, në qytetin Donetsk në rajonin Konstantinivka, njësia e 93-të e Brigadës së Luftës Elektronike është duke përdorur bllokimin për të ndaluar sulmin nga dronët, shkaktuesit kryesorë të lëndimeve të ushtarëve.

Komandanti i togës është vigjilent, duke shikuar laptopin që shfaq sinjalet e kapura prej antenave të vogla të vendosura afër vijës së parë të frontit. Kur droni sulmues rus “Lancet” afrohet afër zonës së operacionit, ekrani i tij tregon aktivitetin.

Komandanti, i njohur në fushëbetejë si Oleksandr, prek çelësin për të aktivizuar bllokuesin që ndërhyn në radarin e dronit; njësoj sikur lëshon dritë në sytë e dikujt për ta çorientuar.

“Është e nevojshme”, ka thënë Oleksandr për operacionin e tyre. “Shumë burra po vdesin për shkak të dronëve”.

Operatorët e radios si Mikhass punojnë me turne.

Antenat me të cilat kap sinjalin e radiove ruse janë të kamufluara nëpër pemët e pyllit afër Kreminnës, afër pozicionit të rusëve. Prej një qendre komandimi të improvizuar në një bodrum, Mikhass dhe ushtarët e tjerë pinë cigare dhe dëgjojnë përmes dëgjueseve.

Një antenë e re sinjalgjetëse dhe e sofistikuar përdor gjurmimin dhe matjen nëpërmjet një rrjeti trekëndëshash për të përcaktuar se prej nga po emitohen valët e radios.

Ata kryqëzojnë çfarë dëgjojnë me imazhet që mbledhin nga dronët e zbulimit dhe përdorin harta të detajuara të pozicionit të armiqve për të kompletuar se çfarë domethënë e gjitha kjo.

Ata janë pjesë e një njësie të inteligjencës prej 50 personash të quajtur “Bunnies of Cherkess” – emër i frymëzuar nga strategu ushtarak kinez Sun Tzu, i cili i këshilloi luftëtarët të shtiren të dobët edhe nëse janë të fortë.

“Askush nuk i merr seriozisht lepujt, apo jo?”, ka thënë Cherkessi, komandanti i njësisë.

Përgjimet e radios zbulojnë se Kremlini është i vendosur për të kontrolluar tërë pyllin Serebryansky, i cili ndan qytetin Lyman të kontrolluar nga Ukraina dhe qytetin Kreminna të zaptuar nga Rusia. Kjo është pjesë e përpjekjes për të arritur Torsken, fshat në Donetsk që është në perëndim të Kreminnës. Prej Toske, Rusia do të jetë më afër rimarrjes së qendrës së Lymanit, e cila do të ishte kthim shkatërrues për Ukrainën dhe do t’i prishte aftësinë për të lëvizur furnizimet në front.

Dekodimi i urdhrave

Cherkessi dhe burrat e tij, shumë prej të cilëve janë vullnetarë të cilët u regjistruan për këmbësorinë, kuptojnë se aksionet nuk mund të jenë më të larta, sidomos nga rritja e shenjave se përkrahja nga aleatët perëndimorë është më pak e sigurt.

Pasi dëgjuan orë të tëra komunikime ruse çdo ditë, shumë nga këto biseda kishin të bënin me lëvizjen e trupave, sulmet e artilerisë dhe zbulim të dronëve, ata gradualisht kuptuan – me ndihmën e softuerëve kompjuterikë të specializuar – se çfarë domethënie kishin fjalët.

“Trangujt” janë të vdekurit, “karotat” janë lansuesit e granatave – dhe lokacionet janë të dhëna me kode numrash të caktuara. Njësisë iu desh muaj për të dekoduar urdhrat ruse.

Ardhja e pajisjeve dhe municioneve të reja luftarake – dhe sidomos këmbësorët – sinjalizon se një sulm i ri është duke ardhur.

“Një ushtar nuk është i interesuar të dijë se çfarë radari kanë rusët, ai ka nevojë për informacione nëse do të ketë sulme sonte, kush do të vijë, a ka tanke, nëse ka automjete të armatosura ose nëse janë vetëm këmbësorë”, ka thënë Cherkessi. “Dhe tani duhet të kuptojmë se sa kemi kohë për t’u përgatitur. Një javë? Dy javë? Një muaj?”

Fjalët e informuara për lëvizjen e trupave brenda dhe jashtë janë gjithashtu të rëndësishme për ushtarët ukrainas që do të shkojnë në ofensivë, ka shtuar ai. Kështu ata mund të saktësojnë humbjet maksimale të personelit.

Javën e kaluar, një operacion sulmues rus ndodhi kundër një brigade fqinje. Por ushtarët ukrainas të pozicionuar aty e prisnin sulmin dhe ishin gati.

Dekodimi i urdhrave

“Rëndësia e mbikëqyrjes elektronike nuk mund të nënvlerësohet”, ka thënë Yaroslav Kalinin, shef ekzekutiv i Infozahyst, kompani nën kontratë me Ministrinë e Mbrojtjes së Ukrainës.

Para luftës, Infozahyst ka ofruar shërbime kundër përgjimeve për zyrat e presidentit dhe kryeministrit. Sapo filloi lufta, kompania u përpoq të ndihmonte ushtrinë duke prodhuar një sistem të gjithanshëm për gjetjen e drejtimit të sinjalit, i cili tani është në kërkesë të lartë.

Kohëve të fundit, qeveria ka dyfishuar kontratën me Infozahystin, sipas Kalininit.

Rritja e kapacitetit të përgjimit është pjesërisht njohje e nevojës për të kapur rusët, të cilët investuan në këtë teknologji shumë kohë përpara se ta pushtonte Ukrainën.

Kalinini beson se pajisjet më të mira dhe më të vogla, të cilat janë më të lehta për t’u fshehur dhe lëvizur rrotull, do t’i japin Ukrainës avantazh.

Rusët e dinë se janë duke u përgjuar dhe shpesh përpiqen të mashtrojnë armikun e tyre me informacione të kota. U takon Mikhassit dhe ekipit të tij të dallojnë sinjalin.

“Artileria e tyre na ndihmon”, ka shpjeguar ai. “Ata tregojnë se ku do të gjuajnë dhe pastaj ne shkojmë dhe gjejmë ku kanë rënë predhat”

“38 portokaj”, lokacioni të cilin e ka dëgjuar rishtas Mikhassi për një sulm të ardhshëm, është e vendosur në hartë me pikë të vogël dhe është e rrethuar me qindra pika të tjera, që tregojnë lokacionet e dekoduara nga ata. “Na duhet një kohë e gjatë për të zbuluar këto pika”, ka thënë ai.