-
Përktheu:
Blerta Haxhiu
- 28 dhjetor 2024 12:24
- Shpërndaje në:
Presidenti i Bjellorusisë, Alexander Lukashenko, ka falur 20 persona të dënuar për “ekstremizëm”.
Emrat e 20 personave të falur nuk janë bërë të ditur, por të gjithë janë dënuar me akuzën e “ekstremizmit”.
Mes të falurve janë 11 gra. Katërmbëdhjetë nga 20 individët kanë sëmundje kronike dhe 10 prej tyre kanë fëmijë, përfshirë një grua me katër fëmijë.
Media shtetërore raporton se të gjithë të dënuarit kanë kërkuar falje për veprimet e tyre.
Për më tepër, Ministria e Punëve të Brendshme bjelloruse thuhet se do të “sigurojë mbikëqyrje mbi sjelljen e tyre”.
Falja e fundit nga Lukashenko u raportua më 9 dhjetor, duke përfshirë 29 individë. Para kësaj, më 21 nëntor, ai fali 32 persona.
Ndërkohë, gjyqet e motivuara politikisht vazhdojnë në Bjellorusi. Më 20 nëntor, u raportua se Bjellorusia kishte ekstraduar një ish-luftëtar në Regjimentin Kastus Kalinouski të Ukrainës, i cili ishte arrestuar në Vietnam.
Në fillim të nëntorit, u zbulua se një i burgosur politik 22-vjeçar nga Rusia kishte vdekur në paraburgim në Bjellorusi. Ai ishte dënuar me 12 vjet për “spiunazh dhe nxitje të aktiviteteve ekstremiste”.
