Administrata amerikane ka shkarkuar drejtorin dhe zëvendësdrejtoreshën e Agjencisë së Sigurisë Kombëtare, sipas komiteteve të inteligjencës të Senatit dhe Dhomës së Përfaqësuesve.
Shkarkimi i Timothy Haugh është një tronditje e madhe në komunitetit e inteligjencës amerikane i cili po kalon nëpër ndryshime të theksuara në dy muajt e parë të administratës së Donald Trumpit. Wendy Noble, zëvendësdrejtoreshë, po ashtu u shkarkua.
Nuk është ende e qartë se pse Haugh dhe Noble janë shkarkuar. Gjenerallejtënant William Hartman pritet që të shërbejë si ushtrues detyre i drejtorit të Agjencisë, kanë thënë burime për CNN.
Disa zyrtarë dhe ish-zyrtarë të mbrojtjes kanë shprehur shqetësimin se ka frikë brenda zyrtarëve të Departamentit të Mbrojtjes se mund të shkarkohen në çdo moment sepse mund të konsiderohen se janë jo mjaftueshëm besnikë ndaj presidentit Donald Trump.
Haugh nuk ishte i përfshirë në bisedën në grup në aplikacionin “Signal” që u bë publike së fundmi, ku Sekretari i Mbrojtjes, Pete Hegseth, dhe zyrtarë të tjerë të lartë diskutuan një operacion të ndjeshëm ushtarak me cak Houthit në Jemen, ndërsa nuk kishin dijeni se në grupin e mesazheve ishte edhe një gazetar. Në Komitetin e Inteligjencës të Dhomës së Përfaqësuesve javën e kaluar Haugh pati thënë se ka rreziqe në përdorimin e këtij aplikacioni.
Agjencia për Sigurinë Kombëtare është një nga agjencitë kritike të inteligjencës më të fuqishme në SHBA.
