Trumpi dhe Putini mund të takohen në shkurt ose mars, thotë një ligjvënës rus

Përgatitjet për një takim midis presidentit rus, Vladimir Putin dhe presidentit të SHBA-së, Donald Trump janë në një "fazë të avancuar", ka cituar agjencia shtetërore ruse e lajmeve RIA të ketë deklaruar të enjten një ligjvënës i lartë.

Leonid Slutsky, kreu i komitetit të çështjeve ndërkombëtare të Dumës së Shtetit, të ketë thënë se takimi mund të zhvillohet në shkurt ose mars.

Trumpi dhe Putini kanë thënë të dy se janë të etur për të mbajtur një takim, agjenda e të cilit mund të përfshijë kontrollin e armëve bërthamore dhe çmimet globale të energjisë, si dhe qëllimin e deklaruar të Trumpit për t'i dhënë fund luftës në Ukrainë.

Slutsky ka thënë se ai gjithashtu priste që ata të flisnin për situatën në Lindjen e Mesme.

"Puna kërkon përgatitje serioze, aktualisht është në një fazë të avancuar”, ka deklaruar ai.

Slutsky nuk ka pranuar të spekulonte se kur mund të zhvillohej një takim saktësisht.

"Shkurt ose mars - le të mos hamendësojmë, dhe le t'u japim liderëve mundësinë që të përgatiten në mënyrë gjithëpërfshirëse, por do të jetë së shpejti”, ka shtuar ai.