Të paktën tre persona kanë vdekur dhe disa të tjerë janë lënduar pas shpërthimit në një ndërtesë në Hagë, kanë bërë të ditur autoritetet.
Lajmin e ka konfirmuar kryebashkiaku i qytetit holandez, Jan van Zanen, i cili ka deklaruar se ka edhe shumë të tjerë të bllokuar nën rrënoja.
Shkaku i shpërthimit nuk është ende i qartë, por policia holandeze njoftoi se një veturë u largua me shpejtësi shumë të madhe pas shpërthimit.
Mediat holandeze raportuan se pesë banesa u shkatërruan nga shpërthimi.
Komisioneri i policisë kombëtare në Holandë, Janny Knol, ka thënë se shpërthimi ka shkaktuar mosbesim dhe pasiguri në komunitet.
