Austriaku, Josef Fritzl, është transferuar nga burgu i sigurisë së lartë në një burg normal, pasi ekspertët thanë se ai ka ndryshuar dhe vuan nga demenca.
89-vjeçari ishte dënuar me burgim të përjetshëm për përdhunim me mijëra herë të vajzës së tij, të cilën e kishte mbajtur të burgosur në bodrumin e shtëpisë.
Mediumi gjerman, Bild, ka raportuar të martën se sipas avokates Astrid Wagner, Fritzlit i ka ndryshuar personaliteti dhe nuk është më i njëjti.
“Për shkak të sëmundjeve të tij, ai nuk përbën më rrezik për publikun. Ai ka nevojë për një mekanizëm që asiston në ecje dhe vuan nga osteoporoza. Demenca e tij është aq e dukshme”, ka thënë ajo.
