-
Përktheu:
Flutura Gashi-Mehmeti
- 25 korrik 2024 08:36
- Shpërndaje në:
Të paktën tre persona kanë mbetur të vdekur si pasojë e tajfunit Gaemi që goditi Tajvanin herët të enjten.Stuhia solli erëra të fuqishme dhe reshje të dendura shiu, duke shkaktuar anulimin e fluturimeve të brendshme dhe ndërkombëtare, raporton AP.
Në Pingtung, një anije është bllokuar në plazh për shkak të valëve intensive të krijuara nga tajfuni.
Sipas autoriteteve 20 anëtarë të ekuipazhit indonezian janë shpëtuar dhe operacionet janë duke u zhvilluar për të ndihmuar ekuipazhin dhe për të vlerësuar dëmet në anije.
Hualien u godit veçanërisht nga stuhia. Një treg popullor nate u shkatërrua nga erërat e forta, duke lënë mbeturina të shpërndara në të gjithë zonën. Në mënyrë tragjike, një pasagjer në një veturë humbi jetën kur automjeti u përplas nga rrënojat.
Autoritetet u kërkuan banorëve të qëndrojnë brenda dhe të shmangin udhëtimet e panevojshme ndërsa përpjekjet e pastrimit dhe rimëkëmbjes vazhdojnë.
