-
Përktheu:
Forca Jashari
- 9 maj 2024 14:52
- Shpërndaje në:
Të paktën një person ka humbur jetën dhe katër të tjerë janë lënduar në Tajlandën lindore të enjten, pasi një zjarr i madh shpërtheu në rezervuarët e depozitimit të gazit në një zonë industriale të vendit.
Zjarri në zonën industriale Mab Ta Phut u vë nën kontroll pas më shumë se gjashtë orësh prej kur filloi, raporton “Associated Press”.
Zjarrfikësit kanë vlerësuar se duhen më shumë se 10 orë për ta shuar atë plotësisht.
Autoritetet e vendit kanë bërë të ditur se rreth 400 punëtorë dhe banorë janë evakuuar nga provinca ku ndodhi shpërthimi.
Hetimet për shkaqet e zjarrit po vazhdojnë dhe autoritetet kanë premtuar se do të zbatojnë masa për të parandaluar incidente të tilla.
