Të paktën 17 nxënës kanë vdekur pasi një shkollë në Kenia u përfshi nga zjarri të enjten mbrëma, ka thënë policia, shkruan BBC.
Ekziston frika se numri i të vdekurve mund të rritet pasi dhjetëra të tjerë janë dërguar në spital me djegie të rënda.
Nuk dihet ende shkaku i zjarrit në “Hillside Endarasha Primary” në qarkun Nyeri.
Presidenti i Kenisë, William Ruto, e quajti incidentin me zjarr “të tmerrshëm” dhe “shkatërrues” dhe ka urdhëruar hetim.
“Ata që janë përgjegjës do të mbajnë përgjegjësi”, shkroi Ruto në rrjetet sociale.
Ka pasur edhe në të kaluarën zjarre në shkollat e Kenias.
