-
Përktheu:
Flutura Gashi-Mehmeti
- 10 shkurt 2025 14:43
- Shpërndaje në:
Ushtria e Koresë së Jugut dhe ajo e SHBA-së kanë zhvilluar një stërvitje të përbashkët ushtarake të hënën në qytetin e Koresë së Jugut, Pocheon.
Stërvitjet përfshinin tanke, automjete luftarake të këmbësorisë, automjete të blinduara sulmuese amerikane, helikopterë Apache dhe pajisje të tjera që arrijnë në mbi 150 njësi, së bashku me më shumë se 2,000 trupa.
Ngjarja, e cila u zhvillua si pjesë e stërvitjes trejavore të aleatëve, erdhi pasi media shtetërore e Koresë së Veriut raportoi të dielën se udhëheqësi i saj Kim Jong Un u zotua të rrisë programin e tij bërthamor për të kundërshtuar atë që ai pretendon se është një "kërcënim i rëndë" që vjen nga forcimi i partneritetit të sigurisë midis Koresë së Jugut, SHBA-së dhe Japonisë.
Në një fjalim me rastin e 77-vjetorit të themelimit të Ushtrisë Popullore Koreane të shtunën, Kim ka thënë se partneriteti trepalësh i sigurisë SHBA-Japoni-Kore e Jugut, i krijuar në bazë të një komploti të SHBA-së për të formuar një bllok ushtarak rajonal të ngjashëm me NATO-n, po shkakton çekuilibër ushtarak në Gadishullin Korean.
