Ministria e Mbrojtjes së Rusisë ka deklaruar të premten se forcat ushtarake ruse kanë depërtuar në qytetin e Toretskut që ndodhet në lindje të Ukrainës, raporton Reuters.
“Si rezultat i operacioneve aktive sulmuese ... qyteti i Dzerzhinskut në Republikën Popullore të Donetskut u çlirua”, ka njoftuar Ministria e Mbrojtjes së Rusisë.
Rusia e thërret këtë qytet sipas emrit të vjetër sovjetik Dzerzhynsk dhe thotë se rajoni lindor i Donetskut është tanimë pjesë e Rusisë, një narrativë të cilën Kievi zyrtar e kundërshton.
Rënia e pretenduar e Toretskut nga Rusia, nëse konfirmohet, do të avanconte përparimin e saj nëpër Donetsk, një ofensivë që i ka kushtuar Moskës rëndë në trupa dhe pajisje ushtarake.
