Prifti rus që udhëhoqi shërbimet përkujtimore të Navalnyt është ulur në detyrë

Një prift rus që kryesoi një memorial për liderin e opozitës, Alexei Navalny është pezulluar nga shërbimet drejtuese dhe është urdhëruar të shërbejë tre vjet "pendim", pasi persekutimi i njerëzve të lidhur me Navalnyn ka vazhduar edhe pas vdekjes së tij.

Dmitry Safronov kishte lexuar disa shërbime përkujtimore, të quajtura panikhida në rusisht, në varrimit e Navalnyt dhe drejtoi një shërbim muajin e kaluar për të shënuar 40 ditë nga vdekja e tij në një koloni të largët penale mbi Rrethin Arktik, raportoi The Guardian.

Në një deklaratë të mërkurën, dioqeza e Moskës e Kishës Ortodokse ruse ka thënë se Safronov do të gradohej në lexues psalmesh, do t'i ndalohej të vishte kryq dhe do të dërgohej në një kishë tjetër të rajonit të Moskës, ku do të shërbente një "pendim" tre-vjeçar.

Në fund të asaj periudhe do të merrej një vendim nëse ai mund të shkarkohej zyrtarisht "në varësi të reagimeve nga vendi i tij i shërbimit", thuhet në dokument. Asnjë arsye formale nuk u dha për dënimin. 

“Në mungesë të informacionit zyrtar, ndalimi mund të lidhet vetëm me shërbimin përkujtimor që thuhet se At Dmitry shërbeu për Alexei Navalny”, ka shkruar Ioann Burdin, një prift që u gjobit dhe më pas u shkarkua pasi kritikoi luftën në Ukrainë.

Në një postim në mediat sociale, Yulia Navalnaya, gruaja e liderit të ndjerë të opozitës, ka konfirmuar se Safronov kishte kryer një shërbim përkujtimor në varrimin e tij dhe u bëri thirrje mbështetësve të tij që të japin donacione për familjen e Safronov. 

“I jam shumë mirënjohëse atij. Le ta ndihmojmë atë dhe familjen e tij”, ka shkruar Navalnaya.

Rusia ka vazhduar të persekutojë mbështetësit e Navalnyt. Qindra u arrestuan në vigjilje të improvizuara në qytete anembanë Rusisë në ditët pas vdekjes së tij.