Presidentit koreanojugor i ndalohet udhëtimi jashtë shtetit

Autoritetet e Koresë së Jugut kanë vendosur një ndalim udhëtimi për presidentin, Yoon Suk Yeol, i cili është nën hetim për shpalljen e ligjit ushtarak një javë më parë.

Yoon i mbijetoi ngushtë një mocion fajësimi kundër tij gjatë fundjavës, pasi deputetët e partisë së tij në pushtet bojkotuan votimin, raporton BBC.

Anëtarët e PPP-së kanë thënë se kishin vendosur të mos e mbështesin mocionin pasi Yoon ra dakord të shkurtonte mandatin e tij dhe të mos përfshihej në çështjet e jashtme dhe të brendshme.

Dhjetëra mijëra njerëz kanë dalë në protestë që nga urdhri jetëshkurtër i ligjit ushtarak i Yoon, duke bërë thirrje që ai të japë dorëheqjen ose të fajësohet.

Që atëherë, megjithë mocionin e dështuar të fajësimit, veprime janë ndërmarrë kundër disa figurave të rëndësishme të përfshira në urdhrin e ligjit ushtarak.

Ish-ministri i Mbrojtjes, Kim Yong-hyun, i cili thuhet se i propozoi Yoon shpalljen e ligjit ushtarak, u arrestua të dielën. Ai kishte dhënë më parë dorëheqjen të mërkurën pasi kërkoi falje dhe tha se do të merrte "përgjegjësinë e plotë".

Ndalimet e udhëtimit janë vendosur për Kim, Lee, komandantin e Kundërzbulimit të Mbrojtjes Yeo In-hyung dhe shefin e Shtabit të Ushtrisë Park An-su. Shumë të tjerë janë larguar nga postet e tyre.