Një aeroplan i pasagjerëve i “Delta Air Lines” është përplasur duke u ulur në Aeroportin e Torontos të hënën, ndërsa mediumet lokale kanë raportuar për të paktën tetë të lënduar, transmeton “BBC”.
Aeroplani ishte nisur nga Minneapolis.
Tre nga të lënduarit raportohet se janë në gjendje kritike dhe janë transportuar në spitalet lokale.
Ekipet e emergjencës kanë dalë në vendin e ngjarjes, ndërsa në videot në rrjetet sociale shihet aeroplani i përmbysur.
Administrata e Aviacionit të SHBA-së (FAA), tha se të gjithë 80 personat që ishin në aeroplan janë evakuuar.
“Aeroplani i Delta Air Lines, i operuar nga Endeavor Air, u përplas gjatë uljes në Aeroportin Ndërkombëtar të Torontos në Kanada rreth orës 14:15 me kohë lokale”, thuhet në deklaratën.
Breaking news: Delta airlines flight crash landed in Toronto Pearson's airport.
Hope everyone is safe and sound
Why these plane crashes are happening like regularly pic.twitter.com/GJbCJgz86Q— Srikar Rebel (@SrikarRebel8) February 17, 2025
