-
Përktheu:
Forca Jashari
- 4 qershor 2024 12:10
- Shpërndaje në:
Këshilli i kabinetit të Koresë së Jugut ka miratuar të martën pezullimin e marrëveshjes së paqes me Korenë e Veriut, si formë ndëshkimi për lëshimin e balonave me plehra.
“Gjatë mbledhjes së sotme të kabinetit ne kërkojmë pezullimin e plotë të marrëveshjes ushtarake të 19 shtatorit derisa besimi i ndërsjellë midis Koresë së Jugut dhe Koresë së Veriut të rikthehet plotësisht”, ka thënë kryeministri i Koresë së Jugut, Han Duck-soo.
Për disa ditë me radhë, Koreja e Veriut ka hedhur qindra balona me plehra mbi Korenë e Jugut.
Të dielën, Koreja e Jugut bëri të ditur se do të hakmerrej, përpara se Koreja e Veriut të njoftonte befas se do të ndalonte dërgimin e balonave përtej kufirit.
E të hënën, Këshilli Presidencial i Sigurisë Kombëtare i Koresë së Jugut njoftoi se kishte vendosur të pezullonte marrëveshjen e vitit 2018 që synonte lehtësimin e mosmarrëveshjeve mes dy vendeve, raporton “Associated Press”.
Sipas Këshillit të Sigurimit, pezullimi do të lejojë Korenë e Jugut që të rifillojë stërvitjet ushtarake pranë kufirit me Korenë e Veriut si përgjigje efektive dhe e menjëhershme ndaj provokimeve nga Koreja e Veriut.
LEXO EDHE:
