Papa Françesku ishte aq afër vdekjes në një moment gjatë qëndrimit 38-ditor në spital sa mjekët e tij e konsideruan t’ia ndalnin trajtimin që të vdiste në paqe, ka thënë kreu i ekipit mjekësor të papës.
Pas një krize frymëmarrjeje më 28 shkurt, “kishte një rrezik real që ai të mos shpëtonte”, ka thënë mjeku Sergio Alfieri, raportoi Reuters.
“Duhet të vendosnim nëse do të ndalonim aty dhe ta linim të shkonte, ose të vazhdonim të shtynim me ilaçet dhe terapitë e mundshme, duke u përballur me rrezikun më të madh se mund të dëmtonin organet e tjera”, ka shtuar ai,
Papa u kthye në Vatikan të dielën. Ai u shtrua në spital më 14 shkurt dhe doli se kishte pneumoni.
