Palestinezët në Gaza festojnë armëpushimin

Njerëzit po festojnë në rrugët e Deir-al-Balah në Rripin e Gazës të mërkurën në mbrëmje pasi u konfirmua se Izraeli dhe Hamasi kanë rënë dakord për një marrëveshje armëpushimi për të ndalur luftën shkatërruese 15-mujore.

Marrëveshja premton lirimin e dhjetëra pengjeve të mbajtura nga Hamasi në faza, dhe qindra të burgosurve palestinezë në Izrael, dhe do të lejojë qindra mijëra njerëz të zhvendosur në Gaza të kthehen në atë që ka mbetur nga shtëpitë e tyre, raporton AP.

Kryeministri i Katarit, Sheikh Mohammed bin Abdulrahman Al Thani, ka thënë se armëpushimi do të hyjë në fuqi të dielën. 

Ai e ka bërë njoftimin në kryeqytetin e Katarit, Doha, vendi i negociatave javore të mundimshme.