-
Përktheu:
Flutura Gashi-Mehmeti
- 31 tetor 2024 07:15
- Shpërndaje në:
Përpjekjet e shpëtimit në Spanjë po vazhdojnë ndërsa shteti po përballet me fatkeqësinë e saj më të madhe nga përmbytjet në dekada, me të paktën 95 njerëz të konfirmuar të vdekur dhe dhjetëra të tjerë të zhdukur pas shirave të mëdhenj që përfshinë provincën lindore të Valenicës dhe më gjerë.
Shiu i rrëmbyeshëm të martën shkaktoi përmbytje të shpejta që rrënuan ura dhe ndërtesa dhe i detyruan njerëzit të ngjiteshin në çati ose të kapeshin pas pemëve për të mbijetuar, raporton BBC.
Kryeministri Pedro Sánchez ka shpallur tre ditë zie kombëtare ndërsa kushtet ekstreme vazhdojnë, duke kufizuar disa përpjekje shpëtimi.
Numri i të vdekurve mund të rritet pasi "ka shumë njerëz të zhdukur", thotë qeveria.
Të paktën 92 vdekje u regjistruan në Valencia, me dy të tjera në Castilla-La Mancha në perëndim të Valencias dhe një në Málaga.
Numri i të vdekurve nga përmbytjet është më i keqi i vendit që nga viti 1973, kur të paktën 150 njerëz u vlerësuan të kenë vdekur në përmbytjet më të këqija të vendit në juglindje.
Në fjalimin e tij kombëtar të mërkurën, Sánchez u kërkoi qytetarëve të qëndrojnë vigjilentë dhe u zotua për një shërim të plotë, duke u thënë viktimave: "E gjithë Spanja qan me ju ... ne nuk do t'ju braktisim."
Një nga qytetet e para të prekura pranë Valencias, Chiva, raportoi reshje shiu të një viti të martën, në vetëm një periudhë prej tetë orësh, sipas agjencisë kombëtare të motit Aemet.
LEXO EDHE:
