Norvegjia pritet ta rritë numrin e ushtarëve të rekrutuar nga 9,000 sa janë tani, në 13,500, ka bërë të ditur Qeveria norvegjeze të martën.
“Duhet të kemi mjaftueshëm njerëz me aftësitë e duhura në kohën e duhur”, ka thënë ministri i Mbrojtjes i Norvegjisë, Bjørn Arlid Gram.
“Do të kemi nevojë për më shumë njerëz me ekspertizë profesionale ushtarake përpara”, ka shtuar ai, raportoi AP.
Ushtria e shtetit do të shohë një rritje graduale të rekrutëve për shërbim fillestar çdo vit, ka thënë Arild Gram, duke shtuar se qindra miliona dollarë do të investohen në Forcat e Armatosura të Norvegjisë në Terningmoen, në veri te Oslos, kur anëtari i NATO-s do t’i grumbullojë të gjithë rekrutët e rinj. Ai nuk specifikoi saktësisht se sa do të shpenzojë Norvegjia për këtë qëllim/.
Agjencia norvegjeze e lajmeve NTB ka thënë se qëllimi është që të arrihen 13,500 rekrutë deri në vitin 2036.
Lëvizja e shtetit skandinav të NATO-s vjen pasi fqinji i saj Danimarka muajin e kaluar ka thënë se dëshiron ta rritë numrin e të rinjve që bëjnë ushtrime ushtarake, duke i shtuar rekrutet gra dhe duke e rritur kohën e shërbimit nga katër në 11 muaj.
Qeveria daneze dëshiron ta rritë numrin e rekrutëve nga 300 deri në 5,000.
Edhe Danimarka edhe Norvegjia janë mbështetës të luftës së Ukrainës kundër pushtimit rus.
