-
Përktheu:
Flutura Gashi-Mehmeti
- 28 tetor 2024 12:37
- Shpërndaje në:
Norvegjia ka rënë dakord me autoritetet amerikane për të blerë raketa të mbrojtjes ajrore AIM-120C-8 AMRAAM në vlerë prej 362.91 milionë dollarësh, ka bërë të ditur ushtria norvegjeze të hënën.
“Me raketa gjithnjë e më të reja, Forcat e Armatosura Norvegjeze do të kenë një aftësi më të mirë për të mbrojtur Norvegjinë kundër sulmeve ajrore”, ka thënë ministri norvegjez i Mbrojtjes, Bjoern Arild Gram në një deklaratë, raporton Reuters.
Raketat janë të destinuara kryesisht për sistemin e mbrojtjes ajrore të Norvegjisë me bazë tokësore, por gjithashtu mund të përfshihen në inventarin e armëve të avionëve luftarakë F-35A.
VIDEO:
Sipas autoriteteve norvegjeze, rasti është një nga prokurimet më të mëdha të armëve të bëra ndonjëherë për Forcat e Armatosura të Norvegjisë.
Norvegjia, e cila është anëtare e NATO-s dhe ndan një kufi me Rusinë, është zotuar të rrisë shpenzimet e mbrojtjes pas pushtimit në shkallë të plotë të Ukrainës nga Moska.
VIDEO:
