Qytetarët në shtetet gjermane lindore të Turingenit dhe Saksonisë filluan të votojnë të dielën në zgjedhjet nga të cilat Alternativa për Gjermaninë (AfD) e ekstremit të djathtë, mund të bëhet partia më e fortë.
Partia kryesore konservatore e opozitës gjermane shpreson ta mbajë AfD-në larg në 2 shtetet ku jetojnë rreth 4.1 milionë, përkatësisht 2.1 milionë njerëz.
Por perspektivat duken të zymta për tri partitë në koalicionin qeverisës të kancelarit Olaf Scholz, problemet e vazhdueshme të të cilëve kanë çuar në një ekonomi në rënie dhe probleme të tjera, raporton AP.
Fitoret për AfD-në do të ishin një sinjal i fuqishëm për partinë pak më shumë se një vit përpara zgjedhjeve të ardhshme kombëtare.
Por me shumë gjasa do t'i duhet një partner koalicioni për të qeverisur dhe ka shumë pak gjasa që dikush tjetër të pranojë ta vendosë atë në pushtet.
Megjithatë, forca e saj mund ta bëjë jashtëzakonisht të vështirë formimin e qeverive të reja shtetërore.
