Nis hetimi i kutive të zeza të aeroplanit që u përplas në Korenë e Jugut

Hetuesit kanë filluar inspektimin e dy kutive të zeza të aeroplanit “Jeju Air” nga përplasja e të cilit vdiqën 179 persona të dielën në Korenë e Jugut.

Ata gjithashtu po inspektojnë regjistruesin e zërit të kabinës dhe regjistruesin e të dhënave të fluturimit. 

Por regjistruesit e të dhënave të fluturimit, i cili përmban të aspekte të tilla si lartësia dhe shpejtësia e ajrit, i mungon një lidhës kritik që do ta bëjë më të vështirë nxjerrjen e të dhënave.

Sot zhvillohen funeralet e para të viktimave, megjithëse shumë familje janë ende në pritje të përgjigjeve dhe të trupave të të dashurve të tyre.

Familjet e viktimave kanë bërë thirrje gjithashtu për më shumë "përditësime në kohë" nga linja ajrore, e cila do të mbajë një konferencë shtypi më vonë të martën.

Dy anëtarë të ekuipazhit të fluturimit, një burrë dhe një grua që ishin në bishtin e aeroplanit, janë të vetmit njerëz që i mbijetuan aksidentit të rëndë, që është përplasja më vdekjeprurëse e një avioni në tokën e Koresë së Jugut.